Khmer Movies

sam sameth

អនិច្ចា! សីលធម៌ខ្មែរ!

លំនាំបទ៖ យីកេ

ទំនុកច្រៀងចាស់៖ រកប្រភពមិនទាន់ឃើញ

ទំនុកច្រៀងថ្មី (រក្សាលំនាំទំនុកច្រៀងចាស់ខ្លះ)៖ មួង ណារ៉េត

សំនៀងដើម៖ លោក ចាន់ សុធី

ច្រៀងឡើងវិញដោយ៖ មួង ណារ៉េត

ពោល៖

“នគរចម្លែកក្អែកសជាងកុក រៃកើតពេញស្រុកច្រៀងរាំសប្បាយ

ខ្លាធ្វើមេស្រុកដាក់គុកទន្សាយគោផ្គាប់ចៅហ្វាយក្លាយជាអ្នកប្រាជ្ញ”។

អនិច្ចា! ជាតិសាសន៍និងពូជពង្សខ្មែរ នរណាក៏ល្បីដែរ ថាមានភាពរួសរាយ រាក់ទាក់ ទន់ភ្លន់ ថ្លៃថ្នូរ មានសុជីវធម៌ និងសីលធម៌ល្អបវរផូរផង់ភ្លឺចិញ្ចាច។ តែអ្វីៗប្រែប្រួលអស់គ្មានសល់ គួរឲ្យខ្លាច!

អំពើកាប់សម្លាប់គ្នា ហិង្សាក្នុងគ្រួសារ អំពើអាណាចាលើកុមារ ការជេរប្រទេចគ្នាផ្តាសា តាមបណ្ដាញសង្គម ការសេពគ្រឿងញៀន ក្មេងទំនើង បងតូចបងបងធំ សុរា ល្បែងស៊ីសង ពាលាអាវាសែ មានគ្រប់រូបភាពនិងទម្រង់។ អ្វីដែលគួរឲ្យអាសូរជាងនេះទៅទៀតនោះ គឺសីលធម៌នយោបាយខ្មែរ ចុះទាបខ្លាំងហួសប្រមាណ ស្មានមិនដល់!

ភាពយកខ្មែរគ្នាឯងជាសត្រូវ ជេរប្រទិចផ្ដាសា ហែកហួគ្នាឥតខ្វល់! ប្រកួតប្រជែងដ៏កោងកាច ធ្វើទុក្ខបុកម្នេញគ្នាដើម្បីអំណាច អំពើបក្សពួកនិយម ប្រមូលផ្តុំគ្នាពុករលួយលួចជាតិ និងឆ្លៀតបំផ្លាញសិទ្ធិមនុស្ស ប្រជាធិបតេយ្យគ្មានសល់ និងមេដឹកនាំខំប្រើសម្ដីហិង្សា អសុរោះបាតផ្សារ អាមឹង ងើបមួយវ៉ៃមួយ ។ល។ នាំជាតិឲ្យអំពល់ ទាំងនេះបានធ្វើឲ្យសង្គមខ្មែរបែកបាក់ និងបាត់អស់តម្លៃសីលធម៌ បើកដៃឲ្យបរទេសមើលងាយ។ បើខ្មែរគ្រប់គ្នានៅតែព្រងើយកន្តើយ យើងគ្មានសល់អ្វីទៀតឡើយ ដែលជាតម្លៃខ្មែរ!

Nareth Muong

a day ago

Is in Long Beach, CA, United States

facebook.com-profile.php?id=61555790618163

មាតុភូមិ កម្ពុជា

9 minutes ago

tiktok.com-@samsameth3

Sam Sameth

x.com-moeun79215

@Sam Rainsi

samsameth.blogspot.com

សម សាមេត SAM SAMETH