Khmer Movies

sam sameth

#វប្បធម៌ចិនក្នុងសង្គមខ្មែរ

រឿងចិននៅខ្មែរសព្វថ្ងៃ តិចជាងជំនាន់មុនទេ

ជំនាន់បារាំង ជំនាន់សីហនុ ពេញទីក្រុងផង តែគេមិនដែលទើសដូចរាល់ថ្ហៃ

#វប្បធម៌ចិនក្នុងសង្គមខ្មែរ ៖ (ដោយលោកគ្រូ អោម តារា)

តាមកំណត់ហេតុជីវតាក្វាន់ ចិនចូលមករស់នៅកម្ពុជាយើងតាំងពីសម័យអង្គរមកម្លេះ ហើយបើតាមរូបថតដែលថតនៅសម័យអាណានិគមបារាំង យើងក៏អាចដឹងដែរថាចិនគឺជាឈ្មួញគ្រប់គ្រងទីផ្សារ សូម្បីកវីជើងចាស់របស់យើងមាន លោកតាងុយ លោកតាសន្ធរម៉ុកក៏មានសល់ពាក្យកាព្យទាក់ទងនិងចិនដែរ ។ ក្នុងសម័យអាណានិគមបារាំង ចិនបានពង្រីកសហគមន៏ខ្លួននៅភ្នំពេញ សហគមន៏ដែលធំជាងគេគឺនៅតំបន់ផ្សារកណ្តាល(មានព្រះវិហារចិនដ៏ចំណាស់មួយ) ហើយបន្ទាប់មកគឺនៅម្តុំផ្សារធំថ្មី ។

នៅក្នុងទសវត្ស៦០ (សម័យសង្គមរាស្រ្តនិយម) និគមចិនមិនមែនមានតែព្រះវិហារសាសនាផ្ទាល់ទេគឺមានសាលារៀនរបស់ខ្លួនទៀត ។

កាលនៅពីក្មេងម្តាយខ្ញុំធ្លាប់នាំខ្ញុំទៅរកទិញទំនិញនៅតំបន់ផ្សារកណ្តាល ដែលទីនោះពីជំនាន់អាណានិគមបារាំងគេដាក់ឈ្មោះ «ផ្លូវអូយ៉េ ( Rue Ohier) »។ហាងទំនិញនៅម្តុំផ្សារកណ្តាលភាគច្រើនសរសេរជាអក្សរចិនសឹងតែមើលមិនដឹងថាទីនោះជាស្រុកខ្មែរ ហើយម្ចាស់ហាងក៏និយាយតែចិន គេនិយាយខ្មែរតែពេលមានភ្ញៀវចូលមករកទិញទំនិញប៉ុណ្ណោះ ។ ជំនាន់នោះចិននៅភ្នំពេញ កម្រឱ្យកូនចៅខ្លួនមករៀននៅសាលាខ្មែរ(រដ្ឋ)ណាស់ មានដែរតែមិនច្រើន។

ជារៀងរាល់ឆ្នាំ ខ្ញុំចាំថានៅក្រោយចូលឆ្នាំចិនរួច ចិនៗចាប់ផ្តើមហែអ្នកតា នៅថ្ងៃចុងក្រោយនៃពិធីហែអ្នកតា រដ្ឋឱ្យផ្លូវក្រោយវាំងមួយដល់សហគមន៏ចិនធ្វើពិធីហែអ្នកតារួមគ្នា រួចបំបែកគ្នានៅវាលព្រះមេរុ ។

លុះក្រោយរដ្ឋប្រហារឆ្នាំ១៩៧០ ដោយសារទំនិញក៏ចេះតែឡើងថ្លៃ ក្នុងឆ្នាំ១៩៧៣ ក៏កើតជាចលនារើសអើងជនជាតិចិន ពួកនិស្សិតដែលហែបាតុកម្មតវ៉ាជាមួយរដ្ឋាភិបាលរឿងទំនិញឡើងថ្លៃនោះ មានក្រុមខ្លះឆ្លៀតទៅវាយហាងទំនិញចិនដែលមានយីហោសរសេរអក្សរចិន ។ ហាងផ្សេងៗដែលមិនទាន់ត្រូវគេវាយ ក៏នាំគ្នាដោះយីហោចេញវិញ ខ្លះក៏លុបអក្សរចិនវិញ។

លុះក្រោយខ្មែរក្រហមចូលស្រុក ១៩៧៥ ចិនៗក៏ដូចអ្នកភ្នំពេញដែរ ត្រូវពួកខ្មែរក្រហមរើសអើង មើលងាយ ពិសេសអ្នកដែលនិយាយខ្មែរមិនច្បាស់ ។

នៅក្នុងទសវត្ស៨០ ដោយសារតែចិនប៉េកាំងគាំទ្រខ្មែរក្រហម គ្រួសារចិនដែលរួចពីស្លាប់ក្នុងសម័យវាលពិឃាតក៏ត្រូវគេរើសអើងម្តងទៀត ដោយមានការណែនាំពីមជ្ឈឹមបក្សឱ្យតាមដានសកម្មភាពគ្រួសារចិន គឺតាំងពីពេលនោះហើយដែលគ្រួសារចិនបានកែទម្លាប់ជាខ្មែររហូតសឹងរលាយសាច់មួយ នៅសល់តែទំនៀមទម្លាប់សែនព្រេនដូនតាប៉ុណ្ណោះ ។

Heng KemLay II

February 10 at 11:36 AM

Is in Thailand.

ព្រះបាទជ័យវរ្ម័នទី ៧-Jayavarman VII

a few seconds ago ·