sam sameth
Posted on: January 29, 2024Viewed: 193
ពួកCPPមកគៀងគរពលករនៅថៃឱ្យទៅអបអរសាទរ អាណែត អញហ្អេីយអញ ។
ពលករខ្មែរនៅថៃថា មន្ត្រីបក្សកាន់អំណាចកៀរគរពួកគេមកទទួលលោក ហ៊ុន ម៉ាណែត ពេលមកទស្សនកិច្ច
ក្រុមពលករលើកឡើងថា មន្ត្រីគណបក្សកាន់អំណាចដើរកៀរគរពួកគេឱ្យទទួលស្វាគមន៍លោកនាយករដ្ឋមន្ត្រី ហ៊ុន ម៉ាណែត ទៅទស្សនកិច្ចនៅថៃនៅដើមខែកុម្ភៈ។
ក្រុមកម្មករលើកឡើងថា មន្ត្រីគណបក្សប្រជាជនកម្ពុជាកំពុងយុទ្ធនាការកៀរគរកម្មករ និងនិស្សិតខ្មែរនៅប្រទេសថៃ ដើម្បីថតរូបបង្ហោះនៅលើបណ្តេញសង្គមកេងចំណេញនយោបាយ។ ពួកគេថាសមាជិកបក្សកាន់អំណាចទាំងនោះអូសទាញតាមរយៈរៀបចំកម្មវិធីជប់លៀងស៊ីផឹក សន្យាផ្តល់លុយ និងជួយសម្រួលលិខិតស្នាមដើម។
ពលករខ្មែរធ្វើការនៅទីក្រុងបាងកក លោក ម៉ៅ សារ៉ូន ប្រាប់វិទ្យុអាស៊ីសេរីនៅថ្ងៃទី២៧ ខែមករា ថាក្រុមពលករ ភ្នាក់ងារនាំពលករខ្មែរចូលធ្វើការនៅតាមរោងចក្រ និងអ្នកប្រកបមុខរបរនៅប្រទេសថៃកំពុងក្លាយជាមុខសញ្ញាដែលមន្ត្រីអនុព័ន្ធនៃស្ថានទូតខ្មែរប្រចាំប្រទេសនេះគឺលោក ឈឹម វិបុល និងឧកញ៉ា ឡេង ប្រុស ដើរអូសទាញពួកគេទទួលស្វាគមន៍វត្តមានលោក ហ៊ុន ម៉ាណែត។ លោកថាអ្នកខ្លះយល់ព្រមដោយបង្ខំចិត្ត ដោយសារពួកគេមិនពេញចិត្តនឹងទង្វើរបស់រដ្ឋាភិបាលកម្ពុជាកន្លងមកតែងតែយកតួនាទីរដ្ឋបម្រើបក្សកាន់អំណាចជាងការពារផលប្រយោជន៍ និងដោះស្រាយទុក្ខលំបាករបស់កម្មករ។
លោក ម៉ៅ សារ៉ូន៖ «គេកៀរគរឱ្យមានមនុស្សចូលរួមជាមួយលោក ហ៊ុន ម៉ាណែត ដើម្បីយករូបភាពច្រើនងាយស្រួលយកទៅអួតខ្មែរនៅក្នុងស្រុក។ ពលករខ្មែរនៅប្រទេសថៃមានចំនួនច្រើនជាងគេព្រមចូលរួមទាំងបង្ខំ ពួកគេក៏ស្អប់ខ្ពើមរបបហ្នឹងដែរ តែមិនដឹងធ្វើម៉េចឱ្យរួចមួយគ្រាៗសិនទៅ»។
ស្រដៀងគ្នានេះដែរ ពលករម្នាក់ទៀតលោកស្រី ស្ងួន សុខុម ថ្លែងថា រោងចក្រសាច់មាន់នៅជាយទីក្រុងបាងកកដែលលោកស្រី និងមិត្តភក្ដិកំពុងធ្វើការក៏មានតំណាងគណបក្សប្រជាជនកម្ពុជាចូលទៅកៀរគរពលករឱ្យរង់ចាំទទួលលោក ហ៊ុន ម៉ាណែត ថានឹងទទួលបានមកវិញនូវប្រាក់៣រយបាត ឬច្រើនជាងនេះទៅតាមទីតាំងកន្លងការងារ ព្រមទាំងប៉ាវលើថ្លៃធ្វើដំណើរ និងហូបចុកផង។ លោកស្រីបញ្ជាក់ថា លោកស្រីនឹងមិនទៅចូលរួមកម្មវិធីគ្រាន់តែលើកមុខមាត់មេដឹកនាំតែរឿងខាងក្រោយធ្វើបាបពលរដ្ឋខ្មែរនោះទេ។ ប៉ុន្តែលោកស្រីនឹងត្រៀមធ្វើបាតុកម្មវិញ ដោយមិនទៅអង្គុយចាំស្តាប់លោក ហ៊ុន ម៉ាណែត និយាយអួតគ្មានការពិត។
លោកស្រី ស្ងួន សុខុម៖ «ពលករមិនត្រូវការលុយពុករលួយ លុយបំផ្លាញជាតិយកមកដើរហឺហានៅប្រទេសគេហើយបំផ្លាញជាតិខ្លួនអ៊ីចឹងណា៎ ពីព្រោះខ្ញុំមិនត្រូវការធ្វើការនៅស្រុកគេត្រូវព្រាត់ប្រាសទេ ខ្ញុំត្រូវការរស់នៅប្រទេសរបស់ខ្ញុំដែរ តែនាយករដ្ឋមន្ត្រីបានតែនិយាយ បានតែសន្យា ធ្វើមិនបានទេ ដោយសារស្រុកយើងអត់មានការងារធ្វើ បានជាយើងមកធ្វើការងារនៅស្រុកគេ បើសិនមានការងារធ្វើ ខ្ញុំមិនចាកចេញពីស្រុករបស់ខ្ញុំទេ ខ្ញុំចង់រស់នៅជួបជុំក្រុមគ្រួសារ»។
លោកនាយករដ្ឋមន្ត្រីលោក ហ៊ុន ម៉ាណែត គ្រោងទៅបំពេញទស្សនកិច្ចនៅទីក្រុងបាងកក ប្រទេសថៃ នៅដើមខែកុម្ភៈខាងមុខ ដើម្បីជជែកអំពីកិច្ចសហប្រតិបត្តិការទ្វេភាគីជាមួយនាយករដ្ឋមន្ត្រីថៃក្នុងវិស័យពាណិជ្ជកម្ម និងបញ្ហាព្រំដែន។
វិទ្យុអាស៊ីសេរីមិនទាន់អាចទាក់ទងប្រធានអង្គភាពអ្នកនាំពាក្យរដ្ឋាភិបាលលោក ប៉ែន បូណា និងមន្ត្រីអនុព័ន្ធការងារអមស្ថានទូតខ្មែរប្រចាំទីក្រុងបាងកកលោក ឈឹម វិបុល ដើម្បីសាកសួររឿងនេះបានទេ នៅថ្ងៃទី២៧ ខែមករា។
ប៉ុន្តែអ្នកនាំពាក្យគណបក្សប្រជាជនកម្ពុជា លោក សុខ ឥសាន ប្រាប់វិទ្យុអាស៊ីសេរីថា ដំណើរទស្សនកិច្ចរបស់លោក ហ៊ុន ម៉ាណែត នឹងជួបជាមួយពលរដ្ឋខ្មែររស់នៅប្រទេសថៃ ដើម្បីបង្ហាញអំពីសភាពការណ៍ពិតនៅកម្ពុជា និងអាចដោះស្រាយសំណើរបស់កម្មករផងដែរ។
លោក សុខ ឥសាន៖ «ប្រទេសមានសន្តិភាពពេញលេញ មានស្ថិរភាពនយោបាយ និងមានសណ្ដាប់ធ្នាប់សាធារណសង្គមល្អរាល់ថ្ងៃនេះ គឺអត់មានបញ្ហាអ្វីទេ អ៊ីចឹងទេបានសេចក្តីថាលទ្ធិប្រជាធិបតេយ្យមានការរីកចម្រើននៅកម្ពុជា ហើយអត់មានរំលោភសិទ្ធិមនុស្សទេ»។
ជុំវិញរឿងនេះ មន្ត្រីគម្រោងនៃមជ្ឈមណ្ឌលសម្ព័ន្ធភាពការងារ និងសិទ្ធិមនុស្សរបស់អង្គការសង់ត្រាល់ (CENTRAL) លោក លឹង សុផុន យល់ថា រដ្ឋាភិបាលកម្ពុជាគួរតែជំរុញរដ្ឋាភិបាលថៃឱ្យគោរពសិទ្ធិការងារ បញ្ចុះតម្លៃធ្វើប័ណ្ណការងារដែលជាកង្វល់រួមរបស់ពលករខ្មែរជាងការបង្ខំឱ្យពលករ ឬភ្នាក់ងារនាំពលករចូលរួមកម្មវិធីជួបជុំ។
លោក លឹង សុផុន៖ «បើសិនរដ្ឋាភិបាលមកហើយមានដំណោះស្រាយ ឬលើកយកចំណុចល្អៗសម្រាប់ពលករខ្មែរយើងកំពុងធ្វើការងារនៅថៃដោយដោះស្រាយជាមួយរដ្ឋាភិបាលនិងរដ្ឋាភិបាល តើយើងគួរតែដោះស្រាយបែបណាដើម្បីឱ្យប្រសើរជាងបច្ចុប្បន្ន។ យើងដឹងហើយថា ពលរដ្ឋខ្មែរនៅថៃជិត ២លាននាក់កំពុងមានបញ្ហាប្រឈមជាច្រើន»។
ក្រុមពលករខ្មែរធ្វើការនៅក្រៅប្រទេសមួយចំនួនឱ្យដឹងថា មន្ត្រីរដ្ឋាភិបាលកម្ពុជាមិនសូវយកចិត្តទុកដាក់គិតគូរពីសុខទុក្ខពលករដូចរដ្ឋាភិបាលប្រទេសផ្សេងទៀតនោះទេ ប៉ុន្តែក្រុមមន្ត្រីស្ថានទូត និងក្រុមការងារក្រសួងការងារបានធ្វើយុទ្ធនាការមកអូសទាញពលករ និងពលរដ្ឋខ្មែររស់នៅប្រទេសក្រៅប្រទេស ចូលរួមគាំទ្រគណបក្សប្រជាជនកម្ពុជា៕
Heng Kem Lay I
a day ago
Is in Thailand.
ព្រះបាទ សុច្ចរិតមេទ្រីសករាជ ធិបតេយ្យមហារាជ
1m
