sam sameth
Posted on: January 18, 2022Viewed: 436
facebook.com-profile.php?id=100064837082677
អ្នកតស៊ូមតិ
2 m is in Kampong Cham.
អាជ្ញាធរខេត្តកំពង់ចាម រារាំងមិនឲ្យមន្រ្តីគណបក្សភ្លើងទៀនលើកស្លាកគណបក្ស
មន្រ្តីគណបក្សភ្លើងទៀនខេត្តកំពង់ចាម គ្រោងដាក់បណ្ដឹងទៅក្រសួងមហាផ្ទៃនិងអាជ្ញាធរខេត្ត រឿងរារាំងមិនឲ្យលើកស្លាកគណបក្ស
===============
មន្រ្តីគណបក្សភ្លើងទៀនខេត្តកំពង់ចាម គ្រោងដាក់បណ្ដឹងទៅក្រសួងមហាផ្ទៃនិងអាជ្ញាធរខេត្ត រឿងរារាំងមិនឲ្យលើកស្លាកគណបក្ស
លោក ម៉ន ហេន ចៅសង្កាត់វាលវង់ ខេត្តកំពង់ចាម ដែលរងការចោទប្រកាន់ថា បានរារាំងមន្ត្រីគណបក្សភ្លើងទៀនលើកស្លាកនៅក្បែវត្តដីដុះកាលពីថ្ងៃទី១៦ ខែមករា ឆ្នាំ២០២២។
មន្រ្តីគណបក្សភ្លើងទៀន ប្រចាំខេត្តកំពង់ចាម គ្រោងដាក់បណ្តឹងទៅក្រសួងមហាផ្ទៃ និងអាជ្ញាធរខេត្ត នៅក្នុងសប្តាហ៍នេះ ដើម្បីប្តឹងអាជ្ញាធរមូលដ្ឋានខេត្តនេះ ពីបទរារាំងមិនឲ្យលើកស្លាកគណបក្សនៅទីសាធារណៈ។
មន្រ្តីគណបក្សភ្លើងទៀន ប្រចាំខេត្តកំពង់ចាម ថាការណ៍ដែលត្រូវបង្ខំចិត្ត ត្រូវគ្រោងរៀបចំដាក់បណ្តឹងទៅក្រសួងមហាផ្ទៃ និងអភិបាលខេត្តកំពង់ចាមនេះ គឺដោយសារតែកាលពីថ្ងៃទី១៦ ខែមករា ចៅសង្កាត់វាលវង់បានចុះទៅធ្វើទុក្ខបុកម្នេញមន្រ្តីគណបក្សភ្លើងទៀន មិនឲ្យលើកស្លាកគណបក្សនេះ នៅទីតាំងមុខវត្តដីដុះ។
មន្រ្តីជាន់ខ្ពស់គណបក្សភ្លើងទៀន ប្រចាំខេត្តកំពង់ចាមលោក គា វិសាល ប្រាប់វិទ្យុអាស៊ីសេរីកាលពីយប់ថ្ងៃទី១ ខែមករា ថាគណបក្សភ្លើងទៀន បានគោរពតាមច្បាប់ស្តីពីគណបក្សនយោបាយ និងសេចក្តីជូនដំណឹងអំពីការលើកស្លាកគណបក្សនេះថ្នាក់ខេត្តអស់ហើយ និងទទួលបានការអនុញ្ញាតពីព្រះចៅអធិការវត្តដីដុះរួចហើយដែរ ប៉ុន្តែអាជ្ញាធរមូលដ្ឋាននៅសង្កាត់វាលវង់ បែរជាមករករឿងមិនឲ្យលើកស្លាកបក្សនេះ។ លោកចោទចៅសង្កាត់វាលវង់ ថាមានគំនិតអាក្រក់ និងរើសអើងគណបក្សភ្លើងទៀនដោយចំហ៖ «ចៅសង្កាត់វាលវង់នេះ គឺជាមនុស្សគេហៅថាគំនិតទុច្ចរិត មិនចង់ឲ្យគណបក្សភ្លើងទៀនយើងលើកស្លាក! វាមានចេតនាអាក្រក់ គឺមិនចង់ប្រកួតប្រជែង ដោយស្មើភាពគ្នាចំពោះមុខច្បាប់។ រឿងចៅសង្កាត់នេះ ពួកខ្ញុំស្គាល់ច្បាស់ណាស់ កាលពីពួកអតីតសកម្មជនរបស់ពួកខ្ញុំជាប់ជាចៅសង្កាត់នៅក្រុងកំពង់ចាមដណ្តើមយកតំណែងបាន គឺពួកហ្នឹងតែងតែមានគំនុំគុំកួន ដោយសារថាប្រជាពលរដ្ឋមិនទុកចិត្ត មិនគាំទ្រពួកចៅសង្កាត់នៃគណបក្សប្រជាជនហ្នឹង»។
