sam sameth

Posted on: May 03, 2021
Viewed: 198

facebook.com-Cambodia-National-Rescue-885900238161632

Cambodia National Rescue

3h.Cambodia

ការចាកចេញពីស្រុកខ្មែររបស់លោកប្រធានាធិបតី លន់នល់ នៅថ្ងៃទី១ ខែមេសា ឆ្នាំ១៩៧៥ ទាំងទឹកភ្នែក

មុនពេលឡើងយន្តហោះចាកចេញពីភ្នំពេញ លោក លន់ នល់ ដែលដៃម្ខាងកាន់ជើច្រត់ បាន​ឈរ​សម្រក់ទឹកភ្នែកសម្លឹងមើលទឹកដី ជាទីស្រលាញ់ ក្នុងកែវភ្នែកស្រងេះស្រងោច និងអាឡោះ​អាល័យទឹកដីខ្មែរជាទីបំផុត។លោក សេនាប្រមុខ លន់ នល់ និយាយថា «ធ្វើនយោបាយគ្មានអ្នកណា ធ្វើម្នាក់ឯងកើតទេ កុំចេះតែស្រែកទម្លាក់កំហុសដាក់គ្នា អ្នកនេះក្បត់ ឬអ្នកនោះក្បាត់ជាតិ។ កំហុសឆ្គង គឺកើត​ឡើងទាំងអស់គ្នា»។ លោកបញ្ជាក់ថា អាវុធមួយនេះ បើកាលណាតែដកចេញពីស្រោមហើយ មិន​ងាយដាក់ចូលវិញទេ។ លោក លន់ នល់ ចង់និយាយទៅដល់ធ្វើសង្រ្គាម និងចង់ផ្តាំទៅខ្មែរគ្រប់រូបថា ធ្វើយ៉ាងណាកុំឲ្យអាវុធដកចេញពីស្រោមឲ្យសោះ។ នៅពេលកំពុងកាន់កាប់អំណាច លោក លន់ នល់ គឺលោកប្រឈមមុខចំពោះបញ្ហាចំនួនពីរ។ ទី១ គឺការត្រូវប្រឈមតទល់ជាមួយកងទ័ពយៀកមិញ ឬយួនខាងជើង និង យៀកកុង ចំណែកទី២ គឺប្រឈមនឹងកម្លាំងខ្មែរក្រហម និងកងទ័ពរំដោះជាតិ។

លោកសេនាប្រមុខ លន់ នល់ ជាមនុស្សជឿលើអបិយជំនឿស៊ប់ ហើយនៅមុន​ពេលពួកខ្មែរក្រ​ហម​វាយ លុកចូលកាន់កាប់ភ្នំពេញបានប៉ុន្មានថ្ងៃ ឲ្យគេបើកយន្តហោះ (អេឡេកូ ឬកន្ទុំរុយ) ​ដឹកលោកជាមួយព្រះសង្ឃ ដើម្បីបាច់ដីមន្តអាគមព័ទ្ធជុំវិញទីក្រុងភ្នំពេញ។ តែទីបំផុត លោកសេនាប្រមុខ ត្រូវបង្ខំចិត្តចាកចេញពីភ្នំពេញ។ លោកបានស្រក់ទឹកភ្នែក មុនពេលលោកបោះជំហានឈានជើងឡើងយន្តហោះទៅអាមេរិក កោះហូណូលូលូ រដ្ឋហាវ៉ៃ។