sam sameth
Posted on: February 10, 2019Viewed: 760
ចលនាសង្គ្រោះជាតិ Cambodia National Rescue Movement - CNRM
7 mins · San Jose, CA, United States ·
facebook.com-eng.chhaieang…
Eng Chhai Eang a post.
8 February at 07:00
បុរសចំណាស់ម្នាក់នេះ ឈ្មោះ ជុំ សុជាតិ ពូកែខាងសួរផ្ចាញ់ផ្ចាលនៅក្នុងកម្មវិធីសាធារណៈ របស់គណបក្សសង្គ្រោះជាតិនៅ San Jose ។ កាលពីខែមិនា ឆ្នាំ២០១៨ បុគ្គលរូបនេះ បានចូលទៅសួរផ្ចាញ់ផ្ចាលក្នុងកម្មវិធីវេទិកាសាធារណៈ នៅ San Jose ដែលវត្តមាន ខ្ញុំ ម្តងហើយ ។
ដូច្នេះ ហើយ បានជាអ្នកគាំទ្រគណបក្សសង្គ្រោះជាតិ រារាំងមិនឲ្យឈ្មោះ ជុំ សុជាតិ សួរទៅលោក សម រង្សុី នៅក្នុងកម្មវិធីថ្ងៃទី៣ ខែកុម្ភៈ ឆ្នាំ២០១៩ កន្លង ទៅនេះ នៅ San Jose ព្រោះគេដឹងថា សំណួរដែលគាត់សួរ ជាសំណួរ ឥតប្រយោជន៍ និងបែបផ្ចាញ់ផ្ចាល នាំឲ្យបាត់ពេលវេលាសំរាប់អ្នកដទៃទៀត ។
facebook.com-cmuth15…
Chantha Muth a post.
7 February at 20:09 ·
ពុទ្ធោ! ហេតុអីដល់ថ្នាក់ហៅប៉ូលីសមកក្រៀក គ្រាន់តែសួរសំនួរប៉ុណ្ណឹង? អាមេរិកគោរពសេរីភាពក្នុងការនិយាយស្តីខ្លាំង (free speech) និងអត់ឱនដល់សេរីភាពក្នុងការនិយាយស្តី (tolerance of free speech)។ អ្នកសួរក៏ជាប្រធានសាខាគណបក្សសង្រ្គោះជាតិ ប្រចាំក្រុងសានហូហ្សេ រដ្ឋកាលីហ្វូនញ៉ា (CHAIRPERSON OF CNRP USA OF SAN JOSE, CA)។
នេះជាក្លីបវីឌីអូ នៃព្រឹត្តិការណ៍ :
facebook.com-cmuth15…
Chantha Muth a post.
8 February at 10:51 ·
មិនធ្វើតាម ឬមិនស្របតាមទស្សន: និងសកម្មភាពខ្លួន គឺជាជនក្បត់!
អ្នកតាំងខ្លួនជាអ្នកប្រជាធិបតេយ្យ ឬជាបិតាប្រជាធិបតេយ្យគួរយល់អំពី: "ការអត់ឱន និងការមិនអត់ឱននយោបាយ" ៖
ការអត់ឱននយោបាយមានន័យដល់ការទទួលស្គាល់ និងការគោរពសិទ្ធិជាមូលដ្ឋាន និងសេរីភាពស៉ីវិលរបស់មនុស្ស និងក្រុមដែលពួកគេមានទស្សនខុសគ្នា ឬផ្ទុយពីមនុស្ស ឬក្រុមមួយទៀត។ ពលរដ្ឋទាំងអស់ រួមទាំងអ្នកដឹកនាំនយោបាយ មានការទទួលខុសត្រូវបដិបត្តិការអត់ឱននយោបាយទាំងនៅក្នុងពាក្យសំដី និងសកម្មភាពរបស់ពួកគេ។ ការអត់ឱននយោបាយ គឺជាគោលការណ៍គន្លឹះនៃលទ្ធិប្រជាធិបតេយ្យ។
ជាឧត្តមគតិមួយ លទ្ធិប្រជាធិបតេយ្យអះអាងថា សមាជិករបស់សង្គមគួរប្រព្រឹត្តចំពោះគ្នាទៅវិញទៅមកដោយស្មើភាព និងត្រូវបានគេប្រព្រឹត្តមកលើខ្លួនដោយស្មើភាព។ មូលដ្ឋានលទ្ធិប្រជាធិបតេយ្យ គឺការទទួលស្គាល់ និងការគោរពចំពោះអ្នកដទៃ។ ជីវិតប្រជាធិបតេយ្យ គឺសិទ្ធិមានមតិផ្ទុយ ក៏ដូចជាការទទួលស្គាល់នៃភាពផ្ទុយ ឬភាពខុសគ្នារបស់មនុស្សទាំងអស់។ លទ្ធិប្រជាធិបតេយ្យសំដៅចំពោះការគោរពចំពោះពហុភាពនៃទស្សនៈ និងគុណធម៌នៃការសន្ទនាដែលជាមធ្យោបាយក្នុងការដោះស្រាយបញ្ហា។
ការមិនអត់ឱននយោបាយកើតឡើងដោយការសុខចិត្តដាក់កម្រិតសិទ្ធិរបស់មនុស្សម្នាក់ ឬក្រុមមួយដែលគេមិនចូលចិត្ត ដោយផ្អែកលើទស្សនៈផ្ទុយរបស់ពួកគេ។ ការមិនអត់ឱននយោបាយនេះបង្ហាញពីការគំរាមកំហែងដល់លទ្ធិប្រជាធិបតេយ្យ ព្រោះវារើសអើងប្រឆាំងនឹង និងអាចបំបិទសម្លេងមួយផ្នែករបស់ប្រជាពលរដ្ឋនៅក្នុងសង្គមមួយ។
ការមិនអត់ឱននយោបាយបង្កើតឲ្យមាន "វប្បធម៌ស្របតាម" និង "សង្គមបិទជិត" ដែលធ្វើឲ្យទស្សនាទាននយោបាយរបស់ប្រជាពលរដ្ឋរួមចង្អៀត និងកម្រិតឥរិយាបថរបស់ពួកគេផងដែរ៕
facebook.com-sok.kipo…
Kim Sok a post.
8 February at 15:20
បើខ្លាចសំណួរផ្ចាញ់ផ្ចាល ស្មើនឹងអ្នកសង្ស័យខ្លួនឯង...
បើចង់អភិវឌ្ឍខ្លួន ពង្រឹងស្មារតីរួមក្រុម-បក្ស និងពង្រីកឱកាសជួយប្រទេសជាតិ ទោះអ្នកជាតួអង្គវិភាគសង្គម-នយោបាយ ឬជាអ្នកនយោបាយកម្រិតណាក៏ដោយ ត្រូវចាប់ផ្តើមពីការជម្រះចម្ងល់ប្រជារាស្ត្រ ទោះពួកគាត់ជាអ្នកគាំទ្រឬប្រឆាំងអ្នកក៏ដោយ គឺចាំបាច់ណាស់ អ្នកត្រូវហ៊ានឈរដោយរឹងមាំឆ្លើយនឹងសំណូរផ្ចាញ់ផ្ចាលស្មុគស្មាញរបស់ពួកគាត់។
យ៉ាងហោចណាស់ មានហេតុផលពីរយ៉ាងធំ ដែលអ្នកត្រូវធ្វើដូច្នេះ៖
១. បង្ហាញការគោរពពួកគាត់ជាម្ចាស់ប្រទេស ពីព្រោះ បើសូម្បីតែត្រឹមចម្ងល់របស់ពលសង្គម អ្នកមិនហ៊ានប្រឈមឆ្លើយឆ្លងដោយការគោរពផង តើអ្នកអាចនិយាយយ៉ាងដូចម្តេច អំពីការតម្រង់ទិសសកម្មភាពនយោបាយជួយជាតិ ឲ្យមានការចូលរួមកម្លាំងកាន់តែធំ?
២. អ្នកខ្លាំងពិតនិងសុចរិតមិនក្លែងបន្លំ មិនខ្លាចសំណួរពិបាកៗនិងផ្ចាញ់ផ្ចាលនោះទេ។ ទោះជាអ្នកនយោបាយឬអ្នកវិភាគក្តី គួរតែសប្បាយចិត្ត ពេលជួបស្ថានការណ៍តទល់បែបនេះ ព្រោះការប្រឈមនឹងសំណួរផ្ចាញ់ផ្ចាល គឺជាឱកាសមាស ដើម្បីបង្ហាញទេពកោសល្យនិងសមត្ថភាពរបស់អ្នក។
ជាទូទៅ សិស្សពូកែ គឺអ្នកដែលអាចដោះស្រាយចេញនិងត្រូវ នូវលំហាត់ពិបាកខ្លាំង ដែលសិស្សឯទៀតមិនចេះធ្វើ។
បើអ្នកផ្សេងសង្ស័យអ្នក មិនទាន់ជាបញ្ហាធំទេ ព្រោះអ្នកអាចស្វែងរកការប្រឹក្សាយោបល់ដើម្បីបំភ្លឺជម្រះជាក្រោយ គឺនៅមានពេលគ្រប់គ្រាន់។ តែបើអ្នកមិនច្បាស់ខ្លួនឯងវិញ គ្មានគ្រូអាចារ្យណាជួយតម្រង់អ្នកបានឡើយ៕
