sam sameth
Posted on: February 01, 2019Viewed: 281
ចលនាសង្គ្រោះជាតិ Cambodia National Rescue Movement - CNRM
23 mins · Paris, France ·
facebook.com-cambodiansym...
និមិត្តរូបនៃការផ្លាស់ប្ដូរ a post.
January 26 at 1:32 AM ·
២៦ មករា ២០១៩
សេចក្តីអំពាវនាវលោក សម រង្ស៊ី ដល់កងកម្លាំងប្រដាប់អាវុធ៖
ខ្ញុំ សម រង្ស៊ី ជាប្រធានស្តីទីគណបក្សសង្គ្រោះជាតិ សូមអំពាវនាវដល់កងកម្លាំងប្រដាប់អាវុធ សូមកុំស្តាប់បញ្ជាពីនាយករដ្ឋមន្ត្រីខុសច្បាប់ ហ៊ុន សែន ដែលជាចោរប្លន់អំណាចពីប្រជារាស្ត្រ។ ថ្មីៗនេះ ជនផ្តាច់ការ ហ៊ុន សែន នេះបានណែនាំកងកម្លាំងប្រដាប់អាវុធ ឲ្យចាប់រូបខ្ញុំ នៅពេលដែលខ្ញុំវិលត្រឡប់មកប្រទេសកម្ពុជាវិញ ក្នុងឆ្នាំ ២០១៩ នេះ ហើយឲ្យបង្ក្រាបអ្នកប្រជាធិបតេយ្យ និងអ្នកស្នេហាជាតិ ដែលនឹងងើបឈរឡើង ដើម្បីទាមទារឲ្យមានការផ្លាស់ប្តូរជាវិជ្ជមាន ដោយសន្តិវិធី តាមបែបបទប្រជាធិបតេយ្យ គឺតាមរយៈការបោះឆ្នោត ដោយសេរី ត្រឹមត្រូវ និងយុត្តិធម៌។
ខ្ញុំសូមអំពាវនាវដល់កងកម្លាំងប្រដាប់អាវុធ សូមកុំប្រើអាវុធបាញ់ប្រហារមកលើប្រជាពលរដ្ឋស្លូតត្រង់ តាមបញ្ជាជនផ្តាច់ការ ហ៊ុន សែន។ សូមបងប្អូនជនរួមជាតិ និងក្មួយៗម្នាក់ៗ ដែលមានកាំភ្លើងក្នុងដៃ រក្សាទុកកាំភ្លើងនេះ ដើម្បីការពារខ្លួនឯង ការពារប្រជារាស្ត្រ និងការពារទឹកដីប្រទេសកម្ពុជា ដេលជាមាតុភូមិរបស់យើង។ សូមកុំការពាររបបផ្តាច់ការខុសច្បាប់សព្វថ្ងៃ ដែលកើតចេញមកពីការបោះឆ្នោតក្លែងក្លាយ ខែកក្កដា ឆ្នាំ ២០១៨ កន្លងទៅនេះ ដែលសកលលោក ចាត់ទុកថាជាការបោះឆ្នោតក្លែងក្លាយ ដែលបាននាំមកនូវរដ្ឋសភាក្លែងក្លាយ និងនាយករដ្ឋមន្ត្រីក្លែងក្លាយ ឈ្មោះ ហ៊ុន សែន នេះ។ សូមកងកម្លាំងប្រដាប់អាវុធ កុំការពាររបបក្បត់ជាតិសព្វថ្ងៃ តែបែរមកការពារប្រជារាស្ត្រវិញ ដែលជាម្ចាស់ទឹកម្ចាស់ដីតែមួយគត់។
រាល់បញ្ជាណាដែលបង្ខំឲ្យកងកម្លាំងប្រដាប់អាវុធ បាញ់ប្រហារមកលើប្រជាពលរដ្ឋស្លូតត្រង់ ដែលធ្វើបាតុកម្មដោយសន្តិវិធី គឺជាបញ្ជាខុសច្បាប់ និងអមនុស្សធម៌ ដែលកងកម្លាំងប្រដាប់អាវុធមិនត្រូវធ្វើតាមដាច់ខាត។ សូមកងកម្លាំងប្រដាប់អាវុធ កុំឈរខាងរបបផ្តាច់ការក្បត់ជាតិសព្វថ្ងៃ តែបែរមកឈរខាងប្រជារាស្ត្រ ដែលទាមទារសេរីភាព និងយុត្តិធម៌ ហើយទាមទារឲ្យមានអ្នកដឹកនាំថ្មី ដែលជាអ្នកប្រជាធិបតេយ្យ និងអ្នកស្នេហាជាតិ ប្រកបដោយទសពិធរាជធម៌។
