Khmer Movies

sam sameth

Nao Moeun III

1 hr · Phnom Penh, Cambodia ·

Social Breaking News-SBN added a new video.

1 hr ·

តើការចាប់ខ្លួនឯកឧត្តម កឹម សុខា

តំណាងរាស្រ្ត និងជាប្រធានគណបក្សសង្គ្រោះជាតិ ថ្ងៃទី ០៣ ខែកញ្ញា ឆ្នាំ២០១៧ ជាបទល្មើសព្រហ្មទណ្ឌជាក់ស្តែង ឬទេ និងមានបទល្មើសឬទេ?

ព័ត៌មានជាមូលដ្ឋាននៃការវិភាគ

ការវិភាគនេះធ្វើឡើងដោយផ្អែកលើព័ត៌មានដែលទទួលបានពីប្រភពផ្សេងៗរួមមានសេចក្តីថ្លែងការណ៍តំណាងអយ្យការសាលាដំបូងរាជធានីភ្នំពេញ សេចក្តីថ្លែងការណ៍រដ្ឋសភា សេចក្តីថ្លែង ការណ៍គណបក្សសង្រ្គោះជាតិ ព័ត៌មានក្នុងបណ្តាញសង្គម និងបណ្តាញសារព័ត៌មានក្នុងស្រុកដែល បានចេញផ្សាយពីការចោទប្រកាន់ និងចាប់ខ្លួនឯកឧត្តមកឹម សុខា តំណាងរាស្ត្រ និងជាប្រធានគណបក្សសង្គ្រោះជាតិ ។

១) អំពីហេតុការណ៍

នៅកណ្តាលយប់ថ្ងៃទី ០៣ ខែកញ្ញា ឆ្នាំ២០១៧ ក្នុងខណៈដែលឯកឧត្តម កឹម សុខា កំពុង តែសម្រាននៅក្នុងលំនៅដ្ឋានរបស់ខ្លួននៅសង្កាត់បឹងកក់២ ខណ្ឌទួលគោក រាជធានីភ្នំពេញ ស្រាប់តែមានកងកម្លាំងប្រដាប់ដោយអាវុធ និងសម្លៀកបំពាក់ជាឯកសណ្ឋានកងកម្លាំងមានរថយន្ត បានទៅដល់ផ្ទះរបស់គាត់ហើយចាប់ផ្តើមបង្ខំឲ្យអ្នកយាមបើកទ្វាររបង និងគំរាមកំហែងកំ ទេចទ្វាររបងទ្វារផ្ទះ។ ឯកឧត្តមកឹម សុខា ត្រូវបានចាប់ក្រៀកដោយកងកម្លាំងមិនស្គាល់អត្ត សញ្ញាណរួចដាក់ខ្នោះដៃទៅខាងក្រោយ បណ្តើរចេញពីផ្ទះ រួចបង្ខំលោកឲ្យចូលរថយន្ត រួចដឹកចេញ ទៅបាត់ដោយមិនដឹងថាទៅទីណា។ លុះព្រឹកឡើងក៏មានដំណឹងមិនផ្លូវការថាគេយកគាត់ទៅឃុំនៅក្រសួងមហាផ្ទៃ ឯព៌តមានខ្លះថានៅស្នងការក្រុង។

នៅថ្ងៃទី០៤ ខែកញ្ញា អ្នកនាំពាក្យក្រសួងមហាផ្ទៃប្រាប់តាមសារព័ត៌មានថាគេយកគាត់ទៅ ឃុំនៅមណ្ឌលកែប្រែត្រពាំងផ្លុង ខេត្តត្បូងឃ្មុំ ។

ហេតុការណ៍នេះបានកើតឡើងដោយការឆ្មក់ចូលក្នុងគេហដ្ឋានឯកជនដែលឯកឧត្តម កឹម សុខា និងក្រុមគ្រួសាររស់នៅជាលំនៅដ្ឋានអចិន្ត្រៃយ៍។ ការមិនបានបង្ហាញអត្តសញ្ញាណអាជ្ញាធរ អនុវត្តច្បាប់ ការមិនប្រាប់ដល់ក្រុមគ្រួសារឲ្យបានច្បាស់លាស់អំពីបទល្មើសដែលគាត់កំពុងប្រព្រឹត្ត ឬ បានប្រព្រឹត្ត និងមិនបានប្រាប់ពីសមាសភាពសមត្ថកិច្ចនៅកន្លែងចាប់ខ្លួន គឺជាការអនុវត្តក្រៅក្រប ខណ្ឌនីតិវិធីច្បាប់ជាធរមានទេ ។ ការអនុវត្តចំពោះបទល្មើសជាក់ស្តែង បើជាបទល្មើសមែនគឺត្រូវ មានរបាយការណ៍ពីនគរបាលយុត្តិធ៌មអំពីបទល្មើសកំពុងកើតឡើង មានកំណត់ហេតុបញ្ជាក់អំពី អំពើដែលគាត់កំពុងប្រព្រឹត្តពេលចាប់ខ្លួនដូចជា ម៉ោង ពេល ទីកន្លែង ការខូចខាត ជនរងគ្រោះ សម្ភារៈជាវត្ថុតាងប្រព្រឹត្តបទល្មើស ។ល។ ហើយអាជ្ញាធរត្រូវអនុញ្ញាតឲ្យមានទំនាក់ទំនងមកក្រុម គ្រួសារ ញាតិមិត្ត អំពីសុខទុក្ខក្នុងនាមជាជនគ្មានទោស ។

២) អង្គហេតុដែលរដ្ឋាភិបាលនិងតំណាងអយ្យការបានសំអាង​សម្រាប់ចោទ

ទាំងនាយករដ្ឋមន្ត្រី ទាំងគណបក្សកាន់អំណាច ទាំងរដ្ឋាភិបាល ទាំងតំណាងអយ្យការ បានយក ”សម្លេងនិងរូបភាព” ដែលចេញផ្សាយតាមបណ្តាញសង្គមជាមូលដ្ឋានចោទថាឯកឧត្តម កឹម សុខា បានគ្រោងផ្តួលរំលំរដ្ឋាភិបាលស្របច្បាប់ ជាមេចលនាបដិវត្តន៍ពណ៌ ជាជនក្បត់ជាតិ ។ អ្វីដែលតំណាងអយ្យការបានយកធ្វើជាហេតុសំអាងគឺមានតែខ្សែអាត់វីដេអូមួយប៉ុណ្ណោះ រួចធ្វើការ សន្និដ្ឋាន និងធ្វើការចោទប្រកាន់តាមក្រមព្រហ្មទណ្ឌ។ ឃ្លីបវីដេអូនោះ ជាឃ្លីបដែលត្រូវបាន បញ្ចេញដោយសារព័ត៌មានដែលត្រូវបានយកជាមូលដ្ឋានចោទប្រកាន់ថា លោកបានអនុវត្តតាម ការបញ្ជារបស់សហរដ្ឋអាមេរិក ដើម្បីដណ្តើមអំណាចពីរាជរដ្ឋាភិបាលកម្ពុជាស្របច្បាប់ដែលកើត ចេញពីការបោះឆ្នោត។

ការចោទប្រកាន់ធ្វើឡើងតាមរយៈដីកាបញ្ជូនរឿងឲ្យស៊ើបសួរលេខ ៣៥២៣ អ.យ.ឋ ចុះថ្ងៃ ទី ០៥ ខែកញ្ញា ឆ្នាំ២០១៧ របស់អយ្យការអមសាលាដំបូងរាជធានីភ្នំពេញ គឺ ០២ ថ្ងៃបន្ទាប់ពីត្រូវ ចាប់ខ្លួនដែលត្រូវបានបកស្រាយថាចាប់ក្នុងបទល្មើសព្រហ្មទណ្ឌជាក់ស្តែង ។

តើឃ្លីបវីដេអូ ជាអង្គហេតុឬជាអ្វី? តាមព័ត៌មាន ឃ្លីបវីដេអូដែលត្រូវបានតុលាការ និងរដ្ឋា ភិបាលយកធ្វើជាសំអាងសម្រាប់ចាប់ខ្លួននិងសន្និដ្ឋាន គឺមានតម្លៃត្រឹមជា “ភស្តុតាង” នៅក្នុងសំណុំ រឿងស៊ើបអង្កេតប៉ុណ្ណោះ ។ ឃ្លីបវីដេអូ មិនមែនជាហេតុការណ៍ជាក់ស្តែងដែលអនុញ្ញាតឲ្យអាជ្ញា ធរមានសមត្ថកិច្ច ឬ ជនណាក៏បានអាចចាប់ឃាត់ខ្លួនភ្លាម មិនចាំបាច់មានដីកាពីតុលាការនោះ បានទេ ។ អង្គហេតុ គឺជាអំពើកំពុងប្រព្រឹត្ត កំពុងកើតឡើង និង ឬ មានសាក្សី ឃើញផ្ទាល់ ឬ អាជ្ញាធរទៅទាន់ឃើញផ្ទាល់កំពុងប្រព្រឹត្តល្មើស។ ក៏ប៉ុន្តែករណីចាប់ខ្លួនឯកឧត្តមកឹម សុខា គឺគាត់ កំពុងតែសម្រាននៅក្នុងផ្ទះដោយគ្មានសកម្មភាពអ្វីឡើយ ។ គេអាចនិយាយបានថា គាត់កំពុងតែ សម្រានស្កប់ស្កល់ ស្រាប់តែគេមកចោទថាគាត់កំពុងប្រព្រឹត្តបទល្មើសព្រហ្មទណ្ឌជាក់ស្តែង ហើយ គាត់ក្រោកឡើងក៏មានអ្នកចោទប្រកាន់គាត់ដោយមិនដឹងអ្វីសោះ ។ ក្នុងរូបភាពឃ្លីបដែលគេបង្ហោះ ពីការចាប់ខ្លួនគាត់ គឺគាត់ងាកមុខរកនគរបាលហើយងាកមកវិញ រួចដើរចូលឡានដែលគេត្រៀមទុកជាស្រេច ។