sam sameth

Posted on: July 18, 2017
Viewed: 539

Nao Moeun III

46 mins · Cambodia ·

Nokor Koktlork ម៉ែន ណាត added a new video

1 December 2016 ·

ឯសារ៖ ដកស្រង់សំដីខ្លីៗរបស់ ហ៊ុន សែន ជាសំដីគ្មានសុជីវធម៌!

......................

អត្ថបទរបស់ Sokhim Kho៖ សូមស្តាប់សម្តីបាតផ្សារ ទាំង ១៧ ចំណុចរបស់ ហ៊ុន សែន ដែលតែងតែចូលចិត្ត គុក ច្រវ៉ាក់ កាប់ ចាក់ និង សម្លាប់ តើគួរបោះឆ្នោតអោយមនុស្សប្រភេទនេះទេ? មនុស្សដែលក្បត់ជាតិខ្លួនឯង...

មេដឹកនាំ ដែលចេញមកពីប្រភពពាល ហើយនៅពេល ដែលគេដឹកនាំប្រទេស ក៏ពាលតាមហ្នឹងដែរ។ តើចំណុចណាដែលខ្ញុំថា ពាលនោះ? ព្រោះលោក ហ៊ុន សែន ធ្វើជាទាហ៊ាននៅអាយុ១៧ ឆ្នាំ គិតពីឆ្នាំ ១៩៦៩ ក្រោយពេលព្រឹត្តិការណ៍ ១៨ មិនា ១៩៧០ នៃការធ្វើរដ្ឋប្រហារមិនបង្ហូរឈាមដោយ លោក សេនាប្រមុខលន់ ណុល។ ចំពោះការសិក្សារវិញ លោក ហ៊ុន សែន រៀន បានត្រឹមកំរិតអនុវិទ្យាល័យប៉ុណ្ណោះ។ សូមរំលឹកផងដែរថា លោក ចាក់ចេញពីស្រុកកំណើតរបស់លោក គឺ ឃុំពាម កោះ ស្នា ស្រុក ស្ទឹងត្រង់ ខេត្តកំពង់ចាម..។ លោក ហ៊ុន សែនចូលសិក្សារនៅអាយុ ៩ ឆ្នាំ និង អាយុបាន ១៣ ឆ្នាំ ដោយភូមិពាមកោះស្នា មិនមានអនុវិទ្យាល័យ ទើបបានគ្រួសារលោកបានបញ្ជូនមកភ្នំពេញដើម្បីបន្តការសិក្សាអនុវិទ្យាល័យ។ តាមអាយុរបស់លោក ហ៊ុន សែនគឺ ១៩៦៥ លោក ចាកចេញពីប្រទេសស្រុកកំណើត រៀនបានតែ៤ ឆ្នាំប៉ុណ្ណោះគឺ ១៩៦៩ត្រូវឈប់រៀន ។ តាមពិតទៅលោក ហ៊ុន សែន រៀន មិនចប់ថ្នាក់ឌីប្លូមទេ ព្រោះឆ្នាំ ១៩៦៩នោះ នយោបាយកម្ពុជា កំពុងតែច្របូកច្របល់ ដែលឈានទៅនឹងការទំលាក់សម្តេចនរោត្តសីហនុ ១៨ មិនា ១៩៧០នោះ។ ១៩៦៩ ក្រុមអ្នកដែលប្រឆាំង នឹងសម្តេចរោត្តមសីហនុបានចាប់បងប្អូនជីដូនមួយរបស់លោក ហ៊ុន សែន ដែលស្នាក់នៅ វត្តជាមួយគ្នា។... ដោយភ័ពខ្លាចគេស្រាវជ្រាវតាមចាប់ជាបន្តទៀត លោក បានចាកចេញពីវត្ត ហើយក៏មិនបានបញ្ចប់ការសិក្សារ ថ្នាក់ឌីប្លូមនោះដែរ និងចូលរួមចលនាតស៊ូប្រឆាំងនិង របប លន់ ណុលស្របតាមការអំពាវនាវរបស់លោក សម្តេចនរោត្តម សីហនុ។ លោក ហ៊ុន សែនជាមនុស្សចង់ល្បីខ្លាំងណាស់ លោក តែងស្រមើលស្រម៉ៃជានិច្ចថា និងក្លាយជាអ្នកខ្លាំងពូកែម្នាក់...ដូចលោក បានដូចឈ្មោះ ពី ហ៊ុន ណាល់ ឈ្មោះកំណើត ពេលមករៀន ដាក់ឈ្មោះខ្លួនឯងថា ហ៊ុន រិទ្ធិសែន ដោយលោក ចង់ក្លាយអោយខ្លួនលោក ខ្លំាងដូចរឿងព្រេង ខ្មែរ រិទ្ធី សែន...។ ១៩៧១ទៅ ១៩៧២ លោក បានដូឈ្មោះ ទៅជាហ៊ុន សែន ដោយ លុប រិទ្ធីចេញ...។ ចំពោះលោក ហ៊ុន សែន បើទោះបីត្រូវចំណាយអ្វីៗក៏ដោយ អោយតែបានអំនាចលោក សុខចិត្តធ្វើដែរ។ ដូចក្រោយពេលចូលរួមជាមួយពួកគមនីស(ហាណូយ) ដើម្បីផ្តួលរលំខ្មែរក្រហមមក លោក ហ៊ុន សែនត្រូវធ្វើការ ទីក្រុង ហាណូយ គ្រប់ជំហ៊ាន គោលបំណងគឺ ចង់ក្លាយជាមេដឹកនាំដែលខ្លួនប៉ងយូមកហើយបើទោះបីអស់អ្វីក៏ត្រូវធ្វើដែរ។ នេះនិយាយត្រឹមនេះទៅចុះ!!!

ចំពោះចរិកលោក ហ៊ុន សែន ជាមនុស្សឆាប់ច្រឡោត តូងតាង ខឹងគ្មានហេតុផល ព្រោះលោក ជាមនុស្សគ្មានការអប់រំតាមសេចក្តីថ្លៃថ្នូរ ស្គាល់គុណ និង ទោស...។ ដោយសារលោក បានទទួលឥទ្ធិពលគមនីសខ្លាំងពេក ពេលលោក ចូលរួមចលនាជាមួយដើម្បីដេញពួក លន់ ណុល និង ក្រោយមកទៀត បើទោះបី ហ៊ុន សែន ស្ថិតនៅក្នុងរបបខ្មែរក្រហម ក៏ហ៊ុន សែន នៅតែមានការទាក់ទងជាមួយ វៀតណាម ញឹក ញាប់ផងដែរ ដូចរូបភាពដែលយើងបានឃើញ លោក ហ៊ុន សែនជាមួយពួកវៀតណាម មិនថែមប៉ុណ្ណោះលោក អាចនិយាយភាសារបានទៀតផង។ យើងគួរដឹងហើយថា បើគេជាមនុស្សមានការអប់រំខ្ពស់ មិនតាមគមនីស គេធ្វើអ្វីគិតផលប្រយោជន៍ជាតិជាធំ សូម្បីសម្តីក៏គេគិតថា ជាសេចក្តីថ្លៃថ្នូររបស់មនុស្ស គេមិនចេះតែនិយាយ គ្មានភាពអៀនខ្មាស់នាំអោយគេស្អប់នោះទេ...។ ចំណែក ហ៊ុន សែនជាក្មេងរៀនមិនសូវបានរៀនចេះដឹងប៉ុន្មាទេ ល្ងង់ និង មានភាពផ្តាច់ការក្នុងខ្លួនតាមរយៈការទទួលអប់រំពីពួកគមនីស និងអាងយួន ដូច្នេះហើយបានជាចរិកពាល មនុស្សពាល ដូចលោក ហ៊ុន សែន ស្តាប់លឺឡើងជារឿយៗ។ សូមអរគុណ!!