Khmer Movies

sam sameth

Inn Chuna

23 February · Edited ·

ដកស្រងពីFB Chan Kosal

លោកអុំ ឆាំង សុងជាសាក្សីឃើញផ្ទាល់នឹងភ្នែកនូវព្រឹត្តការណ៍ យួនកំទេចស្ពានជ្រោយចង្វារនៅឆ្នាំ១៩៧២។

អត្ថបទដ៏មានដម្លៃនេះ យើងបានចម្លងទុក នៅពេលគាត់ឆ្លើយក្នុងcommentនៅឆ្នាំកន្លងផុតទៅ ៖

Song Chhangបាទ, ត្រូវហើយ ស្ពានជ្រោយចង្វារផ្ទុះផ្តាច់នៅម៉ោង១២យប់ ដោយកងកម្លាំងពិសេស យួនខាងជើង ជាសញ្ញាវាយគ្រប់ជ្រុងលុកក្រុងភ្នំពេញនៅឆ្នាំ១៩៧២។ ទាហានសាធារណរដ្ឋបានវាយតបវិញយ៉ាងស្វិតស្វាញរហូតព្រឹកឡើងទើបចប់ ដោយយួនខាងជើងទាំងអស់ស្លាប់៨៣នាក់នៅទីនោះ (ឥតមានយួនយៀកកុងឬខ្មែរក្រហមទេ)ដែលយើងអូសយកមកទុកនៅគាល់ស្ពានខាងលិចមួយថ្ងៃមុននិងយកទៅដុតនៅវត្ត។ យួនកុម្មុយនិស្តខាងជើងវាយប្រហារយ៉ាងខ្លាំងនៅពេលនេះ ទុកជាសញ្ញានៃការដកទ័ពយួនខាងជើងចេញពីស្រុកខ្មែរតាមការព្រមព្រៀងសន្តិសុខយួន-អាមេរិកាំងនៅក្រុងប៉ារីស និងការផ្ទេរដំណែងនៃការវាយប្រហារទាំងមូលនៅកម្ពុជាពីយួនទៅឲ្យខ្មែរក្រហម។ នៅពេលនោះ រូបខ្ញុំជាអ្នកតំណាងទីបញ្ជាការជាន់ខ្ពស់សាធារណរដ្ឋ បានតាមដានធ្វើរបាយការណ៍អំពីការវាយប្រហារចុងក្រោយរបស់យួនខាងជើងនេះ។ សូមជ្រាបដោយមេត្រីពីខ្ញុំៈ ឆាំងសុង។

.

Song Chhangខ្ញុំសូមឆ្លៀតជូនពត៌មានអំពីរឿងយួនវាយស្ពានជ្រោយចង្វារថែមខ្លះទៀត។ នៅពេលវាយគ្នាចប់នៅរវាងម៉ោង៦ព្រឹក ខ្ញុំនិងទាហានខ្លះទៀតនៅទីនោះបាននាំគ្នាអូសខ្មោចយួនទាំងនោះមកដាក់លើគោក នៅក្បាលស្ពានខាងលិច ដោយបានជួលអ្នកធាក់ស៊ីក្លូឲ្យជួយអូស អោយម្នាក់ពីរពាន់រៀល។ ខ្មោចខ្លះធ្លាយពោះវៀន ខ្លះទៀតបាក់ដៃបាក់ជើង។ យើងហៅ «យៀកកុង» (Vietcong)គឺយួនកុម្មយនិស្តខាងត្បួងដែលបះបោរ ប្រឆាំងរដ្ឋាភិបាលយួនសេរី។ យួននៅស្រុកខ្មែរកាលពេលនោះភាគច្រើនធ្វើជា យៀកកុង ដែលតែងចេញចូលទៅវាយសង្គ្រាមនៅវៀតណាម។ ឯពួកយួនកុម្មុយនិស្តសុទ្ធ គឺយួនខាងជើង ដែលយើងហៅថា NVA ឬ NorthVietnameseArmy។ ដូច្នេះហើយបានជាគេច្រើនសរសេរជា VC-NVA , មានន័យថា ទ័ពយៀកកុងនិងយួនខាងជើង។ យួនដែលផ្តាច់ស្ពានសុទ្ធតែទ័ពយួនខាងជើង ជំនាញការក្នុងការវាយផ្ទុះដាក់គ្រាប់មីន (Sappers) ។ គួរជម្រាបដែរថា ការផ្ទុះស្ពាននេះឮខ្លាំងគួរឲ្យរន្ធត់ណាស់ ខ្ញុំនៅចាំបានថា គ្រាន់តែឮសូរ «ទាំង» ភ្លាម ស្នូរកាំភ្លើងតូចធំបាញ់ឮគ្រប់ទិស។ លុះថ្ងៃបន្តិច គឺរូបខ្ញុំនេះហើយ ដែលអំពាវនាវតាមវិទ្យុឲ្យប្រជាជនទៅមើលឲ្យច្បាស់និងភ្នែកថា ពួកដែលធ្វើឲ្យស្ពានផ្ទុះដាច់នេះ គឺពួកយួនពិត មិនមែនពួក «ខ្មែររំដោះ» របស់សម្តេចឪទេ។ ប៉ុន្តែសូមជ្រាបថា តាំងពីពេលនោះមក យួនឈប់ធ្វើប្រតិបត្តិការសំខាន់ៗនៅស្រុកខ្មែរទៀតហើយ។ គឺជាពេលដែលខ្មែរក្រហមចាប់ប្រតិបត្តិការបញ្ជាដោយខ្លួនឯង។ ចំណែកឯយួនវិញ ក៏ចាប់ដកទ័ពចេញតាមកិច្ខសន្យានៅក្រុងប៉ារីសឆ្នាំ១៩៧២ជាមួយអាមេរិកាំង។ ឆាំងសុង។

សូមបញ្ជាក់ថា លោកតាឆាង សុង សព្វថ្ងៃរស់នៅអាមេរីក