sam sameth
Posted on: November 25, 2016Viewed: 457
Nokor Koktlork ម៉ែន ណាត added a new video
6 hrs ·
#សូមអាន_និងស្តាប់៖ សេចក្តីប្រកាសព័ត៌មាន របស់ក្រុមប្រឹក្សាឃ្លាំមើលកម្ពុជា ស្តីពីការប្រឆាំងជំទាស់រដ្ឋាភិបាល លោក ហ៊ុន សែន ដែលមានបំណងកែប្រែខ្នាតផែនទីព្រំដែន ហើយបានចាត់ទុកថា "ជាចេនាក្បត់ជាតិ"
.....................
នៅក្នុងសេចក្តីប្រកាសព័ត៌មាននេះ ក្រុមប្រឹក្សាឃ្លាំមើលកម្ពុជា សូមរំលឹកជូន ជនរួមជាតិថា រដ្ឋាភិបាល លោក ហ៊ុន សែន និង រដ្ឋាភិបាលវៀតណាម កំពុងរៀបតែចំជើងប្រួល ផ្ទេរខ្នាតផែនទីព្រំដែន ពីខ្នាត ១-១០០.០០០ ដែលមានកំណត់ក្នុងមាត្រា២ នៃរដ្ឋធម្មនុញ្ញ ឲ្យមកត្រឹមខ្នាត ១-៥០.០០០ ឲ្យស្របទាំងស្រុងតាម សន្ធិសញ្ញាព្រំដែនខុសច្បាប់ ឆ្នាំ១៩៨៥។នៅក្នុងបំណងនៃការផ្ទេរផែនទីនេះ គ្រាន់តែជាការបន្លំភ្នែក និងការឡៃឯកសារប្រវត្តិសាស្ត្រ ស្តីអំពីព្រំដែនខ្មែរ តាំងពីអនុសញ្ញាបារាំង-កម្ពុជា-កូសាំងស៊ីន ឆ្នាំ១៨៧៣ ដែលកាលនោះ បានបោះបង្គោលព្រំដែនចំនួន ១២៤ បង្គោលរួចហើយ។
យុទ្ធសាស្ត្រនៃការកែប្រែផែនទីថ្មីនេះ គឺជាជំហានមួយទៀត ដែលរដ្ឋាភិបាល លោក ហ៊ុន សែន និង វៀតណាម ជំរុញទៅរកការ «កែប្រែមាត្រា២ រដ្ឋធម្មនុញ្ញកម្ពុជា»។
ដោយហេតុនេះហើយ យើងសូមធ្វើការប្រឆាំងជំទាស់យ៉ាងដាច់អហង្កា ចំពោះរដ្ឋាភិបាលកម្ពុជា ដែលបានព្រមព្រៀងជាមួយរដ្ឋាភិបាល វៀតណាម ក្នុងការផ្ទេរខ្នាតផែនទីព្រំដែន ដែលជាការរំលោភបំពានយ៉ាងធ្ងន់ធ្ងរ ដល់រដ្ឋធម្មនុញ្ញ របស់កម្ពុជា។
ក្រុមប្រឹក្សាឃ្លាំមើលកម្ពុជា នឹងធ្វើសេចក្តីថ្លែងការណ៍ ជំទាស់រាល់ការប៉ុនប៉ងនានា ក្នុងការកែប្រខ្នាតផែនទី ដែលនឹងជម្រុញទៅរកការកែប្រែរដ្ឋធម្មនុញ្ញ មាត្រា២។ យើងសូមចាត់ទុកថា ជាអំពើក្បត់ជាតិ ចំពោះបំណងនានា ដូចបានកំណត់ក្នុងខ្លឹមសារខាងលើ។
ធ្វើនៅទីក្រុងគ្រីស្ទានសាន់ ប្រទេសន័រវេស៍, ថ្ងៃទី២៥ វិច្ឆិកា ២០១៦
ម៉ែន ណាត, ប្រធានក្រុមប្រឹក្សាឃ្លាំមើលកម្ពុជា
