Nao Moeun III added a new video
11 mins · Cambodia ·
Kem Sokha added a new video
22 hrs ·
ថ្ងៃទី១២ ខែវិច្ឆិកា ឆ្នាំ២០១៦
សេចក្ដីអំពាវនាវ និមន្ដ និងអញ្ជើញទៅចុះឈ្មោះបោះឆ្នោត
ខ្ញុំព្រះករុណា ខ្ញុំបាទ កឹម សុខា ប្រធានស្តីទីគណបក្សសង្គ្រោះជាតិ សូមអំពាវនាវសារជាថ្មីម្តងទៀតចំពោះ ព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិខ្មែរទាំងអស់ ដែលមានព្រះជន្ម និងអាយុ១៨ឆ្នាំឡើងទៅ គិតដល់ថ្ងៃបោះឆ្នោតថ្ងៃទី០៤ ខែមិថុនា ឆ្នាំ២០១៧ សូមនិមន្ត និងអញ្ជើញឲ្យបានរួសរាន់ទៅចុះឈ្មោះបោះឆ្នោតសម្រាប់ធ្វើបញ្ជីឈ្មោះបោះឆ្នោតថ្មី ព្រោះរយៈពេលកំណត់សម្រាប់ការចុះឈ្មោះបោះឆ្នោតនេះ នឹងត្រូវបិទបញ្ចប់ត្រឹមថ្ងៃទី២៩ ខែវិច្ឆិកា ឆ្នាំ២០១៦ ឆាប់ៗខាងមុខនេះហើយ។
ខ្ញុំព្រះករុណា ខ្ញុំបាទ យល់ឃើញថា ទោះបីជាមានឧបសគ្គ ឆ្លងកាត់ ការលំបាកយ៉ាងណាក៏ដោយ ក្នុងនាមជាពលរដ្ឋខ្មែរ បងប្អូនជនរួមជាតិគួរតែព្យាយាមឲ្យអស់ពីលទ្ធភាព បំពេញកាតព្វកិច្ចទៅចុះឈ្មោះបោះឆ្នោត ដើម្បីឲ្យបងប្អូនមានឈ្មោះក្នុងបញ្ជីបោះឆ្នោតថ្មីនេះទើបបងប្អូនអាចអញ្ជើញទៅបោះឆ្នោតបាន ដើម្បីសម្រេចជោគវាសនា អនាគតខ្លួនយើង គ្រួសារយើង សង្គមយើង និងប្រទេសជាតិយើងបាន។
សូមអរព្រះគុណ សូមអរគុណ!