Nao Moeun III added a new video
13 mins · Cambodia ·
TVFB added a new video.
7 hrs ·
កាប់គ្នាដូចរឿងចិន ចុងក្រោយបែកក្បាកទាំងសងខាង
ក្រុមក្មេងទំនើងឈ្លោះគ្នារឿងបិតស្តុតម៉ូតូ ទាញដែកបំពង់ទីប និងដំបងដេញវាយគ្នា យ៉ាងអនាធិបតេយ្យ
ភ្នំពេញ៖ មានហេតុការណ៏ភ្ញាក់ផ្អើលមួយបានកើតឡើង បន្ទាប់ពីមានជើងខ្លាំង២ក្រុម ដែលក្នុងនោះ១ក្រុមៗ មានគ្នាជាង១០នាក់ ប្រដាប់ដោយដំបងដែកបំពង់ទីប និងដំបងឈើគ្រប់ដៃ បានពើបប្រយុទ្ធគ្នាយ៉ាងអនាធិបតេយ្យ ដោយសារឈ្លោះគ្នារឿងបិតស្កុតម៉ូតូ។
ជាលទ្ធផល ភាគីទាំងសង្ខាងនោះ បានរងរបួសដូចគ្នា៥ទៅ៦នាក់ ដោយខ្លះបែកក្បាល ខ្លះត្រូវដៃជើងនិងខ្លួនប្រាណ ហើយបានបង្កឲ្យប្រជាពលរដ្ឋ មានការភ័យខ្លាច គ្រប់ៗគ្នា។
សម្រាប់ឆាកប្រយុទ្ធគ្នាខាងលើនេះ ក្មេងទំនើងខ្លះបានរងរបួស និងខ្លះទៀតត្រូវបានសមត្ថកិច្ចឃាត់ខ្លួន។
ប្រជាពលរដ្ឋ ដែលបានឃើញហេតុការណ៏នោះបាននិយាយថា បានកើតឡើង កាលពីវេលាម៉ោង៦និង២០នាទី ល្ងាចថ្ងៃទី៨ ខែវិច្ឆិកា ឆ្នាំ២០១៦ នៅចំណុចផ្ទះបិទស្កុតម៉ូតូមួយកន្លែង ស្ថិតនៅជិតរោងចក្រកាត់ដេរ QMI ភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
អ្នកលេងទាំងពីរក្រុមនោះ ត្រូវបានគេដឹងថា មេក្រុមខាងអ្នកបិទស្កុតម៉ូតូ ឈ្មោះចាន់ ម៉ុងលី អាយុ៣១ឆ្នាំស្នាក់នៅកន្លែងកើតហេតុខាងលើ និងមានស្រុកកំណើតនៅក្នុងភូមិកំពង់ទ្រាស ឃុំកំពង់ទ្រាស ស្រុកក្រូចឆ្មារ ខេត្តកំពង់ចាម។
ចំណែកមេក្រុមអ្នកដែលយក ម៉ូតូទៅបិទស្កុត និងជិះរថយន្តលើកគ្នា ទៅវាយគេដល់ផ្ទះនោះឈ្មោះ ហេង រាជ អាយុ២៤ឆ្នាំ មានស្រុកកំណើត នៅក្នុងភូមិសព្រះច័ន្ច ឃុំសព្រះច័ន្ច ស្រុកពារាំង ខេត្តព្រៃវែង និងស្នាក់នៅផ្ទះជួល ក្នុងភូមិជម្ពូវ័ន សង្កាត់ចោមចៅ។
តាមប្រភពព័ត៌មានបានឲ្យដឹងថា នៅមុនពេលកើតហេតុ ឈ្មោះ ហេង រាជ បានយកម៉ូតូ១គ្រឿងទៅឲ្យ ឈ្មោះចាន់ ម៉ុងលី បិទស្កុតឲ្យលុះពេលបិទបានពាក់កណ្ដាល ស្រាប់តែ ឈ្មោះហេង រាជ ប្រាប់ថាឈប់ឲ្យបិទទៀត ដោយនិយាយថាយកថ្លៃពេក ពេលនោះក៏បានបានបង្កឲ្យមានទំនាស់កើតឡើង និងឈានដល់ការណាត់ប្រយុទ្ធគ្នាបែបនេះតែម្ដង៕