sam sameth
Posted on: October 30, 2016Viewed: 421
Nao Moeun III added a new video
46 mins · Cambodia ·
TVFB's live video.
was live.
28 October at 21:59 ·
Live :ស្លាប់ម្នាក់របួសធ្ងន់២នាក់ ព្រោះព្យាយាមជិះម៉ូតូគេចពីមនុស្សមួយក្រុមដេញវាយប្រហារ ..!!!
រូបភាព-Mr:K - អត្ថបទ-រង្សី ((រក្សាសិទ្ធិដោយTVFBហាមលួចចម្លង))
រាជធានីភ្នំពេញ៖ យុវជនម្នាក់បានស្លាប់ភ្លាមៗនៅកន្លែងកើតហេតុ និង២នាក់ទៀតបានរងរបួសធ្ងន់ដោយសារតែពួកគេជិះម៉ូតូឌុបគ្នា ព្យាយាម រត់គេចពីការដេញវាយ ប្រហារបស់មនុស្សមួយក្រុមទៀត ហើយក៏ធ្វើអោយជ្រុលទៅបុកបង្គោលភ្លើងនិងចិញ្ចើមផ្លូវ កាលពីវេលាម៉ោង ៣ទៀបភ្លឺ ថ្ងៃទី២៩ខែតុលាឆ្នាំ២០១៦ តាមបណ្តោយផ្លូវព្រះសីហនុ កែងនិងផ្លូវលេខ៥១ ស្ថិតក្នុងសង្កាត់ចតុមុខ ខណ្ឌដូនពេញ ។
តាមសាក្សីដែលបានឃើញហេតុការណ៍បានអោយដឹងថា មុនពេលកើតហេតុគេឃើញយុវជនមួយក្រុមមានគ្នា៩នាក់ជិះម៉ូតូ៣គ្រឿងមិនចាំម៉ាកដេញតាមវាយយុវជនមួយក្រុមទៀតដែលមានគ្នា៣នាក់ជិះម៉ូតូមួយគ្រឿងម៉ាក ZoomerX ពណ៌ខ្មៅ ពាក់ស្លាកលេខ ភ្នំពេញ 1FZ-7032 ដោយជិះតាមបណ្តោយផ្លូវព្រះសូរាម្រិតក្នុងទិសដៅពីកើតទៅលិច ខណ:មកដល់ចំណុចផ្លូវព្រះសីហនុ កែងផ្លូវលេខ៥១ដែលជាផ្លូវកោង ជនរងគ្រោះទាំង៣ដែលជិះរត់នោះ បត់មិនទាន់ដោយសារល្បឿនលឿនពេក បណ្តាលអោយជ្រុលទៅបុកបង្គោលភ្លើង ដួលបោក ស្លាប់ម្នាក់ និងរងរបួសធ្ងន់២នាក់ ចំណែកជនបង្កដែលជិះដេញពីក្រោយនោះពេលឃើញមានមនុស្សស្លាប់ក៏នាំគ្នាជិះគេចអស់ទៅ ។
ហើយចំណែកសាក្សីបុរសអ្នករត់ម៉ូតូកង់បីម្នាក់ទៀតបាននិយាយដែរ ថាគាត់បានឃើញម៉ូតូមួយគ្រឿងម៉ាក ស្កុបពីរ ពណ៌ ស មិនចាំស្លាក ជិះដោយជនសង្ស័យម្នាក់ បានព្យាយាមជិះមកកៀរម៉ូតូរបស់ជនរងគ្រោះ ហើយនិងធាក់ដៃចង្កួតម៉ូតូរបស់ជនរងគ្រោះ បណ្តាលពួកគេ
( ជនរងគ្រោះ) ដួលបោកនិងបង្គោលភ្លើង បណ្តាលអោយជនរងគ្រោះម្នាក់បោកនិងបង្គោលភ្លើងធ្លាយខួរ ស្លាប់ភ្លាមៗ នៅកន្លែងកើតហេតុតែម្តង ។ បុរសអ្នករត់ម៉ូតូកង់បី បានបន្ថែមថាបន្ទាប់ពីកើតអ្នកដែលជិះម៉ូតូស្តុបពីរនោះក៏លើម៉ូតូគេដែលដួលដែរនោះជិះចេញពីកន្លែងកើតហេតុ បាត់ស្រមោលតែម្តង ។
ក្រោយពេលកើតហេតុជនរងគ្រោះដែលរងរបួសធ្ងន់ទាំងពីរនាក់នោះ ត្រូវបានរថយន្តសាម៉ុយដឹកយកទៅព្យាបាលនៅមន្ទីរពេទ្យកាលម៉ែត្រ ហើយចំណែកម៉ូតូត្រូវបានសមត្ថកិច្ចយកទៅរក្សារទុកនៅអធិការដ្ឋានខណ្ឌដូនពេញ ។ ដោយឡែកសាកសពត្រូវបានក្រុមគ្រួសារយកទៅគេហដ្ឋានធ្វើបុណ្យតាមប្រពៃណី ។ ទោះជាយ៉ាងណាអ្នកនៅកន្លែងកើតហេតុ ក៏បាននិយាយដែរថា ករណីខាងលើនេះមិនមែនជាដេញវាយគ្នាធម្មតាទេនោះ ពួកគាត់សុំអោយសមត្ថកិច្ចស្រាវជ្រាវអោយច្បាស់លាស់ក្នុងករណីនេះ ៕
