Khmer Movies

sam sameth

Sam Rainsy added a new video.

2 hrs ·

២៩ កក្កដា ២០១៦ - ព័ត៌មានសង្ខេបប្រចាំថ្ងៃ - 29 July 2016 - Summary of the main news of the day read by Yu Chantheany.

១-មនសិការខ្មែរ៖ គណបក្សសង្គ្រោះជាតិដឹងគុណអ្នកណាដែលគាំទ្រលទ្ធិប្រជាធិបតេយ្យនៅកម្ពុជា។ បើទោះជាប្រទេសទាំងអស់នៅលើពិភពលោកមិនដូចគ្នាក៏ដោយ ក៏ក្នុងនាមជាគណបក្សជំទាស់ និងជាគណបក្សប្រកាន់ខ្ជាប់នូវគោលការណ៍លទ្ធិប្រជាធិបតេយ្យ និងនីតិរដ្ឋ គណបក្សសង្គ្រោះជាតិបានបញ្ជាក់គោលជំហររបស់ខ្លួនថាមានតែលទ្ធិប្រជាធិបតេយ្យទេដែលអាចនាំប្រទេសកម្ពុជា និងប្រជាពលរដ្ឋកម្ពុជាទៅកាន់សន្តិភាពពេញលេញ យូរអង្វែង និងការអភិវឌ្ឍដោយនិរន្តរភាព ហើយអាចឲ្យប្រជាពលរដ្ឋខ្មែររស់នៅដោយសម្បូររុងរឿងដូចមហាអំណាច។ ព័ត៌មានលម្អិតសូមចុច៖ tinyurl.com-hyfo52j

២-VOD៖ សហភាពអឺរ៉ុបចុះសិក្សាពីអំណាចរដ្ឋសភាខ្មែរលើយន្តការត្រួតពិនិត្យការប្រើប្រាស់ថវិកាជាតិមុនផ្តល់ជំនួយ។ សមាជិកសភាទាំងបក្សប្រឆាំងនិងបក្សកាន់អំណាចអះអាងប្រហាក់ប្រហែលគ្នាថាសហភាពអឺរ៉ុបបានចុះសិក្សាពីតម្លាភាពនៃការប្រើប្រាស់ប្រើថវិការជាតិរបស់កម្ពុជាដែលពួកគេថាមុននឹងប្រទេសជាម្ចាស់ជំនួយមួយនេះ សម្រេចផ្តល់ជំនួយលើយន្តការពង្រឹងអភិបាលកិច្ច។ ព័ត៌មានលម្អិតសូមចុច៖ tinyurl.com-jm78qo9

៣-WMC៖ ERA និងបក្សនយោបាយសុំឲ្យ កែប្រែសេចក្តីព្រាងក្រមសីលធម៌ គ.ជ.ប។ សម្ព័នកំណែទម្រង់ការបោះឆ្នោត (ERA) និងបក្សនយោបាយ បានទទូចឲ្យគណៈកម្មាធិការជាតិរៀបចំការបោះឆ្នោត (គ.ជ.ប.) កែប្រែចំនុចមួយចំនួនគឺដើម្បីជំរុញឲ្យដំណើរការបោះឆ្នោតនៅក្នុងប្រទេសកម្ពុជាមានសុក្រឹត្យភាព។ ព័ត៌មានលម្អិតសូមចុច៖ tinyurl.com-hep56lr

៤-RFA៖ ក្រុមគ្រួសារព្រះសង្ឃ ប៊ុត ប៊ុនតិញ កំពុងបារម្ភពីសន្តិសុខផ្ទាល់ខ្លួន។ អាជ្ញាធរមូលដ្ឋានឃុំវ៉ារិន ចម្ងាយជិត ៩០គីឡូម៉ែត្រ ភាគឧត្តរពីទីរួមខេត្តសៀមរាប នៅតែអះអាងថា ការដែលគេទៅសុំពិនិត្យសៀវភៅគ្រួសារ ហើយកត់យកឈ្មោះ និងប្រវត្តិរបស់ព្រះតេជព្រះគុណ ប៊ុត ប៊ុនតិញ ជាប្រធានបណ្ដាញព្រះសង្ឃឯករាជ្យដើម្បីយុត្តិធម៌សង្គមនោះ គឺគ្មានបំណងអ្វីផ្សេងក្រៅពីធ្វើរបាយការណ៍ជូននគរបាលប៉ុស្តិ៍សម្រាប់បញ្ជាក់ពីប្រជាពលរដ្ឋណាដែលមិនទាន់បានធ្វើអត្តសញ្ញាណប័ណ្ណនោះទេ។ ព័ត៌មានលម្អិតសូមចុច៖ tinyurl.com-jngwxqv

៥-RFA៖ សហគមន៍ SOS ដាក់ញត្តិទៅ ACU ឲ្យស៊ើបអង្កេតភាពមិនប្រក្រតីរឿងធ្វើប្លង់កម្មសិទ្ធិដីធ្លី។ ពលរដ្ឋសហគមន៍ អេស.អូ.អេស (SOS) រស់នៅជាប់របងអាកាសយានដ្ឋានអន្តរជាតិភ្នំពេញ ប្រមាណ ៣០នាក់ ដាក់ញត្តិទៅអង្គភាពប្រឆាំងអំពើពុករលួយ ហៅកាត់ថា អេ.ស៊ី.យូ (ACU) នៅព្រឹកថ្ងៃទី២៧ ខែកក្កដា ស្នើសុំឲ្យស្ថាប័ននេះសហការជាមួយសហគមន៍ដើម្បីស៊ើបអង្កេតជុំវិញភាពមិនប្រក្រតីរឿងអាជ្ញាធរមិនព្រមផ្ដល់ប្លង់កម្មសិទ្ធិដីធ្លីជូនពលរដ្ឋជាង ៦០០គ្រួសារ។ ព័ត៌មានលម្អិតសូមចុច៖ tinyurl.com-jpx2olo

៦-ភ្នំពេញប៉ុស្តិ៍៖ អាមេរិក និង កូរ៉េខាងជើង វាយប្រហារគ្នា។ កូរ៉េខាងជើងបាននិយាយថា ការសម្រេចចិត្តណាមួយដើម្បីធ្វើតេស្តនុយក្លេអ៊ែរ មួយទៀត គឺផ្អែកទាំងស្រុងលើអាកប្បកិរិយារបស់អាមេរិក ខណៈភាគីទាំងពីរ បានបន្ទោសគ្នាទៅវិញ គេហទំព័រភ្នំពេញប៉ុស្តិ៍ ទៅមកជុំវិញភាពតានតឹងលើឧបទ្វីបកូរ៉េ។ ព័ត៌មានលម្អិតសូមចុច៖ tinyurl.com-zqkutdb